Ярамаган, ахрысы (стихотворение на татарском языке)

Миңа сине яратырга
Ярамаган, ахрысы.
Йомшак кына чәчең сыйпап,
Иңнәремә кочып назлыйсы.
Сиңа мине яратырга
Ярамаган, ахрысы.
Гомеребез баскычыннан
Пар канатлар булып атлыйсы.
Безгә бәхетле булырга
Ярамаган, ахрысы.
Сөюебезне яшереп
Искә генә калыр аласы.
Күңелем яраларының
Күпме булыр икән газабы?
Әйтегезче берәрегез!
...Эх, дөньясы, дөньясы!