Таш атмагыз яралы ж,аннарга (стихотворение на татарском языке)

Таш атмагыз яралы җаннарга,
Күңелләрне мыскыл итмәгез.
Язмышлары авыр булганнарның
Яннарыннан көлеп китмәгез.
Һәр кешенең үз кайгысы була,
Үз хәсрәте йөрәк әрнетә.
Сыкрап торган тирән яралары
Бертуктаусыз җанны үксетә.
Бәхет-шатлык белән тулган көннәр
Вакытлыча, истә тотыгыз.
Ятим-ялгызларны рәнҗеткәннәр,
Таш йөрәк булудан куркыгыз!